موبائل سے پہلےکی محبت

ﮨﻤﺎﺭﮮ ﺍﯾﮏ ﺩﻭﺳﺖ ﻓﺮﻣﺎﺗﮯ ﮨﯿﮟ ﮐﮧ ﺍﻥ ﮐﯽ ﭘﮩﻠﯽ ﻣﺤﺒﺖ ﺩﺱ ﻣﻨﭧ ﮐﯽ ﺗﮭﯽ ﮐﯿﻮﮞ ﮐﮧ ﻟﮍﮐﯽ ﺍﮔﻠﮯ ﺍﺳﭩﺎﭖ ﭘﺮ ﺑﺲ ﺳﮯ ﻧﯿﭽﮯ ﺍﺗﺮ ﮔﺌﯽ ﺗﮭﯽ۔ ﻟﯿﮑﻦ ﺟﮩﺎﮞ ﺗﮏ ﻣﺠﮭﮯ ﯾﺎﺩ ﭘﮍﺗﺎ ﮨﮯ ﺑﯿﺲ ﺑﺮﺱ ﭘﮩﻠﮯ ﺗﮏ ﮔﺎﻭٔﮞ ﺩﯾﮩﺎﺕ ﻣﯿﮟ ﻣﺤﺒﺖ ﮐﺮﻧﮯ ﮐﮯ ﺍﻧﺪﺍﺯ ﺑﺎﻟﮑﻞ ﻣﺨﺘﻠﻒ ﺗﮭﮯ۔ ﮨﻢ ﭼﮭﻮﭨﮯ ﺗﮭﮯ ﺗﻮ ﺑﻐﯿﺮ ﺑﻨﯿﺮﻭﮞ ﻭﺍﻟﯽ ﮐﭽﯽ ﭼﮭﺘﻮﮞ ﭘﺮ ﭼﮍﮪ ﮐﺮ ﭘﺘﻨﮕﯿﮟ ﻟﻮﭨﻨﮯ ﮐﮯ ﺍﻧﺘﻈﺎﺭ ﻣﯿﮟ ﻧﻨﮕﮯ ﭘﺎﻭٔﮞ ﮐﮭﮍﮮ ﺭﮨﺘﮯ ﻟﯿﮑﻦ ﻣﺤﻠﮯ ﻣﯿﮟ ﮐﭽﮫ ﺣﺴﻦ ﮐﮯ ﭘﺮﻭﺭﺩﮦ ﺍﻭﺭ ﺟﻮﺍﻧﯽ ﻣﯿﮟ ﻗﺪﻡ ﺭﮐﮭﻨﮯ ﻭﺍﻟﮯ ’ ﺳﭽﮯ ﻋﺎﺷﻖ ‘ ﺍﭘﻨﯽ ﻋﻘﺎﺑﯽ ﻧﻈﺮﻭﮞ ﮐﮯ ﺭﯾﮉﺍﺭ ﻣﯿﮟ ﺁﻧﮯ ﻭﺍﻟﯽ ﻟﮍﮐﯿﻮﮞ ﮐﻮ ﭘﻼﺳﭩﮏ ﮐﮯ ﻓﺮﯾﻢ ﻭﺍﻟﮯ ﺷﯿﺸﮯ ﺳﮯ ﻟﺸﮑﺎﺭﮮ ﻣﺎﺭﺗﮯ ﺭﮨﺘﮯ۔
ﻟﮍﮐﯿﺎﮞ ﺑﮭﯽ ﺍﯾﺴﯽ ﺳﻤﺠﮭﺪﺍﺭ ﮨﻮﺗﯿﮟ ﮐﮧ ﮨﺎﺗﮫ ﻭﺍﻟﮯ ﻧﻠﮑﮯ ﮐﮯ ﺳﺎﺗﮫ ﺑﯿﭩﮫ ﮐﺮ ﺳﺎﺭﺍ ﺳﺎﺭﺍ ﺩﻥ ﺻﺮﻑ ﺩﻭ ﺳﻮﭦ ﮨﯽ ﺩﮬﻮﺗﯽ ﺭﮨﺘﯿﮟ۔ ﯾﮧ ﺩﻭ ﺳﻮﭦ ﺑﺎﺭ ﺑﺎﺭ ﭼﮭﺖ ﮐﮯ ﺑﻨﯿﺮﮮ ﭘﺮ ﮈﺍﻟﺘﯽ، ﺳﻮﮐﮫ ﺟﺎﺗﮯ ﺗﻮ ﺩﻭﺑﺎﺭﮦ ﺩﮬﻮﺗﯿﮟ ﺍﻭﺭ ﺩﻭﺑﺎﺭﮦ ﭼﮭﺖ ﭘﺮ ﺁ ﺟﺎﺗﯿﮟ۔ ﮐﭽﯽ ﭼﮭﺘﻮﮞ ﭘﺮ ﮨﻮﻧﮯ ﻭﺍﻟﯽ ﯾﮧ ﺧﺎﻣﻮﺵ ﻣﺤﺒﺖ ﭘﮑﯽ ﮈﻭﺭ ﮐﯽ ﻃﺮﺡ ﺳﺎﻝ ﮨﺎ ﺳﺎﻝ ﭼﻠﺘﯽ۔ ﺟﻮﻥ، ﺟﻮﻻﺋﯽ ﮐﯽ ﮔﺮﻣﯽ ﻣﯿﮟ ﮐﭙﮍﮮ ﺗﯿﻦ ﻣﻨﭧ ﻣﯿﮟ ﺳﻮﮐﮫ ﺟﺎﺗﮯ ﮨﯿﮟ ﻟﯿﮑﻦ ﭼﮭﻨﻮ ﮐﮯ ﮐﭙﮍﮮ ﺳﺎﺭﺍ ﺩﻥ ﻧﮧ ﺳﻮﮐﮭﺘﮯ ﺍﻭﺭ ﮐﭽﮫ ’ ﭘﮍﮬﮯ ﻟﮑﮭﮯ ﻋﺎﺷﻖ ‘ ﮨﺎﺋﯽ ﺳﮑﻮﻝ ﺳﮯ ﻭﺍﭘﺴﯽ ﭘﺮ ﮨﺎﺗﮫ ﻣﯿﮟ ﺍﻧﮕﻠﺶ ﮔﺮﺍﺋﻤﺮ ﮐﯽ ﮐﺘﺎﺏ ﻟﯿﮯ ﺳﺨﺖ ﮔﺮﻣﯽ ﻣﯿﮟ ﺩﻭﭘﮩﺮ ﮐﮯ ﻭﻗﺖ ﭼﮭﺖ ﭘﺮ ﭨﮩﻠﺘﮯ ﺭﮨﺘﮯ۔ ﯾﮧ ﺍﻟﮓ ﺑﺎﺕ ﮨﮯ ﮐﮧ ﯾﮧ ﻓﯿﻞ ﺑﮭﯽ ﺍﻧﮕﻠﺶ ﻣﯿﮟ ﮨﯽ ﮨﻮﺗﮯ ﺍﻭﺭ ﯾﮧ ﮐﮩﺘﮯ ﺳﻨﺎﺋﯽ ﺩﯾﺘﮯ، ’’ ﻣﺤﻨﺖ ﺗﻮ ﺑﮍﯼ ﮐﯽ ﺗﮭﯽ ﻟﯿﮑﻦ ﭘﯿﭙﺮ ﮨﯽ ﻣﺸﮑﻞ ﺗﮭﺎ۔ ‘‘ ﺍﻣﯽ ﺟﯽ ﺑﮭﯽ ﺳﺎﺗﮫ ﮨﯽ ﮔﻮﺍﮨﯽ ﺩﯾﺘﯿﮟ، ’’ ﮨﺎﮞ ﻣﻨﮉﮮ ﻧﮯ ﺗﮯ ﮐﺪﯼ ﻭﯼ ﮨﺘﮫ ﻭِﭼﻮﮞ ﮐﺘﺎﺏ ﻧﮩﯿﮟ ﺳﯽ ﭼﮭﮉﯼ ‏( ﮨﺎﮞ ﻟﮍﮐﮯ ﻧﮯ ﮐﺒﮭﯽ ﺑﮭﯽ ﮨﺎﺗﮫ ﺳﮯ ﮐﺘﺎﺏ ﻧﮩﯿﮟ ﭼﮭﻮﮌﯼ ﺗﮭﯽ ‘‘( ۔ ﺍﺻﻞ ﮐﮩﺎﻧﯽ ﯾﺎ ﭼﮭﻨﻮ ﮐﻮ ﭘﺘﮧ ﮨﻮﺗﯽ ﯾﺎ ﺑﻮﭨﮯ ﮐﻮ ,,
ﺑﮩﺎﺭ ﮐﺎ ﻣﻮﺳﻢ ﭘﺘﻨﮕﯿﮟ ﺍﮌﺍﻧﮯ ﮐﺎ ﻣﻮﺳﻢ ﮨﻮﺗﺎ ﺗﮭﺎ ﻟﯿﮑﻦ ﻣﺨﺼﻮﺹ ﻋﺎﺷﻘﻮﮞ ﮐﯽ ﭘﺘﻨﮕﯿﮟ ﺻﺮﻑ ﺍﺳﯽ ﭼﮭﺖ ﭘﺮ ﻣﻨﮉﻻﺗﯽ ﺭﮨﺘﯽ، ﺟﮩﺎﮞ ﮐﻮﺋﯽ ﻣﮩﮧ ﺟﺒﯿﮟ ﺳﺮﺳﻮﮞ ﮐﺎ ﺗﯿﻞ ﻟﮕﺎﻧﮯ ﺍﻭﺭ ﺟﻮﺋﯿﮟ ﻧﮑﻠﻮﺍﻧﮯ ﮐﮯ ﺑﻌﺪ ﭼُﭩﯿﺎ ﺑﻨﺎ ﺭﮨﯽ ﮨﻮﺗﯽ۔ ﮐﺴﯽ ﮐﯽ ﻓﺮﻣﺎﺋﺶ ﭘﺮ ﮐﺎﻻ ﺟﻮﮌﺍ ﭘﮩﻨﻨﺎ ﮐﻮﺋﯽ ﻧﺌﯽ ﺑﺎﺕ ﻧﮩﯿﮟ ﺑﻠﮑﮧ  ﻃﺮﺡ ﻃﺮﺡ ﮐﯽ ﻓﺮﻣﺎﺋﺸﯿﮟ ﺍﺱ ﻭﻗﺖ ﺑﮭﯽ ﮐﯽ ﺟﺎﺗﯽ ﺗﮭﯿﮟ۔ ﺍﺱ ﻭﻗﺖ ﮐﮯ ﻣﺸﮩﻮﺭ ﮔﻔﭧ ﯾﮧ ﮨﻮﺗﮯ ﺗﮭﮯ ﮐﮧ ﭼﮭﻨﻮ ﺭﻭﻣﺎﻝ ﭘﺮ ﺍﭘﻨﮯ ﮨﺎﺗﮫ ﺳﮯ ﮐﮍﮬﺎﺋﯽ ﮐﺮﺗﯽ ﺍﻭﺭ ﮐﺴﯽ ﻧﮧ ﮐﺴﯽ ﻃﺮﯾﻘﮯ ﺳﮯ ﺑﻮﭨﮯ ﺗﮏ ﭘﮩﻨﭽﺎ ﺩﯾﺘﯽ۔ ﻣﺤﻤﺪ ﺑﻮﭨﺎ ﺑﮭﯽ ﺟﻮﺍﺏ ﻣﯿﮟ ﮐﮩﯿﮟ ﻧﮧ ﮐﮩﯿﮟ ﺳﮯ ’ ﺭﻧﮓ ﺑﺮﻧﮕﮯ ﺩﮬﺎﮔﻮﮞ ‘ ﻭﺍﻟﮯ ﭘﺮﺍﻧﺪﮮ ﮐﺎ ﺑﻨﺪﻭﺑﺴﺖ ﮐﺮﺗﺎ ﺍﻭﺭ ﺍﯾﮏ ﭘﻼﺳﭩﮏ ﮐﮯ ﺷﺎﭘﺮ ﻣﯿﮟ ﭘﯿﮏ ﮐﺮ ﮐﮯ ﮔﻠﯽ ﻣﯿﮟ ﺍﺱ ﻭﻗﺖ ﻧﯿﭽﮯ ﮔﺮﺍ ﺩﯾﺘﺎ ﺟﺐ ﭼﮭﻨﻮ ﻧﮯ ﮔﻠﯽ ﻣﯿﮟ ﺳﮯ ﮔﺬﺭﻧﺎ ﮨﻮﺗﺎ۔ ﭼﮭﻨﻮ ﺳﻼﺋﯽ ﮐﮍﮬﺎﺋﯽ ﮐﯽ ﺯﯾﺎﺩﮦ ﻣﺎﮨﺮ ﮨﻮﺗﯽ ﺗﻮ ﻣﻮﺗﯿﻮﮞ ﻭﺍﻻ ﺍﺯﺍﺭ ﺑﻨﺪ ‏( ﻧﺎﻟﮧ ‏) ﺑﮭﯽ ﮔﻔﭧ ﮐﮯ ﻃﻮﺭ ﭘﺮ ﻣﻠﺘﺎ۔
ﺍﺏ ﺭﻭﺍﯾﺘﯿﮟ ﺗﺒﺪﯾﻞ ﮨﻮﺗﯽ ﺟﺎ ﺭﮨﯽ ﮨﯿﮟ۔ ﺍﺏ ﭼﮭﻨﻮ ﺻﺮﻑ ﭘﯿﭙﺴﯽ ﺍﻭﺭ ﺑﺮﮔﺮ ﺍﻭﺭ ﺍﯾﺰﯼ ﻟﻮﮈ ﭘﺮ ﮨﯽ ﮔﺰﺍﺭﮦ ﮐﺮﺗﯽ ﮨﮯ ﺟﺒﮑﮧ ﻣﺤﻤﺪ ﺑﻮﭨﺎ ﯾﻮﻓﻮﻥ ﮐﮯ ﭘﯿﮑﺠﺰ ﮐﺮﺍ ﮐﺮﺍ ﮐﮯ ﺗﮭﮏ ﻣﺮ ﺟﺎﺗﺎ ﮨﮯ۔
ﻓﺮﻣﺎﺋﺸﻮﮞ ﺳﮯ ﯾﺎﺩ ﺁﯾﺎ ﮐﮧ ﻓﺮﺳﭧ ﺍﯾﺌﺮ ﻣﯿﮟ ﻣﯿﺮﮮ ﺳﺎﺗﮫ ﺍﯾﮏ ﺑﭧ ﻟﮍﮐﺎ ﺑﮭﯽ ﭘﮍﮬﺘﺎ ﺗﮭﺎ۔ ﺩﯾﮑﮭﻨﮯ ﻣﯿﮟ ﺑﮩﺖ ﺧﻮﺑﺼﻮﺭﺕ ﺗﮭﺎ ﺍﻭﺭ ﺭﻧﮕﺖ ﺑﮭﯽ ﮔﻮﺭﯼ ﭼﭩﯽ ﺗﮭﯽ ﻟﯿﮑﻦ ﻭﮦ ﭼﯿﻦ ﺳﻤﻮﮐﺮ ﺗﮭﺎ۔ ﭘﯿﺮﯾﮉ ﺧﺘﻢ ﮨﻮﺍ ﻧﮩﯿﮟ ﺍﻭﺭ ﺍﺱ ﻧﮯ ﺑﺎﮨﺮ ﺟﺎ ﮐﺮ ﺳﮕﺮﯾﭧ ﺷﺮﻭﻉ ﮐﯿﺎ ﻧﮩﯿﮟ۔ ﺍﯾﮏ ﺩﻥ ﻣﯿﮟ ﭘﻮﭼﮫ ﮨﯽ ﻟﯿﺎ ﮐﮧ ﺑﭧ ﯾﺎﺭ ﺍﺑﮭﯽ ﺗﻮ ﻓﺮﺳﭧ ﺍئیر ﮨﮯ، ﺗﻢ ﺍﺗﻨﮯ ﺯﯾﺎﺩﮦ ﺳﮕﺮﯾﭧ ﮐﯿﻮﮞ ﭘﯿﺘﮯ ﮨﻮ؟ ﮐﮩﻨﮯ ﻟﮕﺎ ﯾﺎﺭ ﺍﻣﺘﯿﺎﺯ ﻣﯿﺮﯼ ﮔﻠﯽ ﮐﯽ ﺍﯾﮏ ﻟﮍﮐﯽ ﻣﺠﮭﮯ ﮐﮩﺘﯽ ﺗﮭﯽ ﮐﮧ ﺗﻢ ﺳﮕﺮﯾﭧ ﭘﯿﺘﮯ ﺑﮩﺖ ﺍﭼﮭﮯ ﻟﮕﺘﮯ ﮨﻮ۔ ﻭﮦ ﺟﺐ ﺑﮭﯽ ﭼﮭﺖ ﭘﺮ ﺁﺗﯽ ﺗﻮ ﻣﯿﮟ ﺳﯿﮍﮬﯿﻮﮞ ﮐﻮ ﮐﻨﮉﯼ ﻟﮕﺎ ﮐﺮ ﭼﮭﺖ ﭘﺮ ﺳﮕﺮﯾﭧ ﭘﺮ ﺳﮕﺮﯾﭧ ﭘﯿﺘﺎ ﺭﮨﺘﺎ، ﺍﺱ ﮐﻮ ﺗﻮ ﺍﺏ ﮐﺴﯽ ﺍﻭﺭ ﺳﮯ ﻣﺤﺒﺖ ﮨﻮ ﮔﺌﯽ ﮨﮯ ﻟﯿﮑﻦ ﻣﯿﺮﮮ ﯾﮧ ﺳﮕﺮﯾﭧ ﻧﮩﯿﮟ ﭼﮭﻮﭦ ﺭﮨﮯ۔
ﭘﮩﻠﮯ ﺍﻥ ﻣﺨﺼﻮﺹ ﻋﺎﺷﻘﻮﮞ ﮐﯽ ﮨﺮ ﺍﺩﺍ ﻣﻨﻔﺮﺩ ﺗﮭﯽ۔ ﺍﺳﮑﻮﻝ ﮐﯽ ﭼﮭﭩﯽ ﮐﮯ ﺑﻌﺪ ﯾﮧ ﮨﺮ ﻭﻗﺖ ﺍﺱ ﺗﺎﮌ ﻣﯿﮟ ﺭﮨﺘﮯ ﮐﮧ ﮐﺐ ﺁﻧﮑﮭﯿﮟ ﭼﺎﺭ ﯾﺎ ﺁﭨﮫ ﮨﻮﮞ ﺗﻮ ﻭﮦ ﻓﻮﺭﺍً ﺳﮯ ﭘﮩﻠﮯ ﮨﺎﺗﮭﻮﮞ ﺳﮯ ﮐﺘﺎﺑﯿﮟ ﻧﯿﭽﮯ ﮔﺮﺍﺋﯿﮟ، ﯾﺎ ﭘﮭﺮ ﻟﮍﮐﯽ ﮐﻮ ﺩﯾﮑﮫ ﮐﺮ ﺟﺎﻥ ﺑﻮﺟﮫ ﮐﺮ ﺭﺍﺳﺘﮯ ﻣﯿﮟ ﭘﮍﯼ ﮐﺴﯽ ﭼﯿﺰ ﺳﮯ ﭨﮑﺮﺍ ﺟﺎﺋﯿﮟ۔ ﻣﻘﺼﺪ ﺻﺮﻑ ﯾﮧ ﮨﻮﺗﺎ ﮐﮧ ﮐﺎﺵ ﭘﻼﺳﭩﮏ ﮐﯽ ﭼﭙﻞ ﻭﺍﻟﯽ ﮐﺴﯽ ’ ﺟﯿﻤﺰ ﺑﺎﻧﮉ ﮔﺮﻝ ‘ ﮐﯽ ﻧﻈﺮ ﺍﻥ ﭘﺮ ﭘﮍ ﺟﺎﺋﮯ۔ ﺍﮔﺮ ﻧﻘﺎﺏ ﮐﮯ ﭘﯿﭽﮭﮯ ﺳﮯ ﮐﺴﯽ ﮐﯽ ﺩﺑﯽ ﺩﺑﯽ ﺳﯽ ﮨﻨﺴﯽ ﻧﮑﻞ ﺟﺎﺗﯽ، ﺗﻮ ﯾﮧ ﮐﺎﻣﯿﺎﺏ ﻣﺤﺒﺖ ﮐﯽ ﭘﮩﻠﯽ ﻧﺸﺎﻧﯽ ﺗﮭﯽ۔ ﺍﮔﺮ ﮐﺴﯽ ﻧﮯ ﻣﺤﺒﺖ ﮐﮯ ﺍﯾﺴﮯ ﻧﺮﺍﻟﮯ ﻃﺮﯾﻘﻮﮞ ﮐﮯ ﺑﺎﺭﮮ ﻣﯿﮟ ﻣﺰﯾﺪ ﭘﮍﮬﻨﺎ ﮨﮯ ﺗﻮ ﻭﮦ ﻣﻤﺘﺎﺯ ﻣﻔﺘﯽ ﺻﺎﺣﺐ ﮐﯽ ﻋﻠﯽ ﭘﻮﺭ ﮐﺎ ﺍﯾﻠﯽ ﭘﮍﮬﮯ۔
ﻟﮍﮐﯿﻮﮞ ﮐﮯ ﻣﺤﺒﺖ ﮐﮯ ﺍﻧﺪﺍﺯ ﺑﮭﯽ ﻋﺠﯿﺐ ﻭ ﻏﺮﯾﺐ ﮨﻮﺗﮯ ﺗﮭﮯ۔ ﭼﮭﻨﻮ ﺟﺐ ﺑﮭﯽ ﺑﻮﭨﮯ ﮐﻮ ﺩﯾﮑﮭﺘﯽ ﯾﺎ ﺗﻮ ﮔﻮﺩ ﻣﯿﮟ ﺍﭨﮭﺎﺋﮯ ﮨﻮﺋﮯ ﭼﺎﭼﯽ ﺻﻐﺮﯼٰ ﮐﮯ ﺑﭽﮯ ﮐﻮ ﭼﻮﻣﻨﺎ ﺷﺮﻭﻉ ﮐﺮ ﺩﯾﺘﯽ ﯾﺎ ﭘﮭﺮ ﺍﺳﮯ ﮨﻮﺍ ﻣﯿﮟ ﺍﭼﮭﺎﻝ ﺍﭼﮭﺎﻝ ﮐﺮ ﮔﻠﮯ ﻟﮕﺎ ﻟﯿﺘﯽ۔ ﮔﺎﻭٔﮞ ﮐﺎ ﺟﻮ ﻟﮍﮐﺎ ﺗﮭﻮﮌﺍ ﭘﮍﮪ ﻟﮑﮫ ﺟﺎﺗﺎ، ﻭﮦ ﺍﻥ ﺗﻤﺎﻡ ﻟﮍﮐﻮﮞ ﮐﮯ ﻣﺤﺒﺖ ﻧﺎﻣﮯ ﯾﺎ ﻟﻮ ﻟﯿﭩﺮ ﻟﮑﮭﺘﺎ، ﺟﻮ ﭘﯿﭽﺎﺭﮮ ﻧﮧ ﺧﻮﺩ ﭘﮍﮪ ﺳﮑﺘﮯ ﺗﮭﮯ ﺍﻭﺭ ﻧﮧ ﻟﮑﮫ ﺳﮑﺘﮯ ﺗﮭﮯ۔ ﻟﮍﮐﯿﻮﮞ ﻧﮯ ﺑﮭﯽ ﺍﭘﻨﯽ ’ ﻣﺨﺼﻮﺹ ﮐﺎﺗﺐ ‘ ﺭﮐﮭﯽ ﮨﻮﺗﯽ ﺗﮭﯿﮟ۔ ﺍﻥ ﻣﻌﺎﺷﻘﻮﮞ ﮐﺎ ﺳﺐ ﺳﮯ ﺯﯾﺎﺩﮦ ﻓﺎﺋﺪﮦ ﺍﻧﮩﯽ ﻟﻮّ ﻟﯿﭩﺮ ﺭﺍﺋﭩﺮﻭﮞ ﮐﻮ ﮨﻮﺗﺎ ﺗﮭﺎ۔ ﺟﺐ ﭼﺎﮨﺘﮯ ﭘﻮﺭﯼ ﮐﯽ ﭘﻮﺭﯼ ﮔﯿﻢ ﺍﻟﭧ ﮐﺮ ﺭﮐﮫ ﺩﯾﺘﮯ ﺗﮭﮯ۔
ﺳﺐ ﺳﮯ ﺭﺳﮑﯽ ﮐﺎﻡ ﻟﻮّ ﻟﯿﭩﺮ ﮐﺎ ﻣﻄﻠﻮﺑﮧ ﮨﺪﻑ ﺗﮏ ﭘﮩﻨﭽﺎﻧﺎ ﮨﻮﺗﺎ ﺗﮭﺎ۔ ﯾﮧ ﻭﺍﻗﻌﯽ ﻣﺸﻦ ﺍﻣﭙﺎﺳﺒﻞ ﮨﻮﺗﺎ۔ ﮔﻠﯽ ﻣﯿﮟ ﭼﻠﺘﮯ ﭼﻠﺘﮯ ﮨﺎﺗﮫ ﺳﮯ ﺧﻂ ﮔﺮﺍﻧﺎ ﺍﻭﺭ ﺍﺱ ﺑﺎﺕ ﮐﺎ ﺑﮭﯽ ﺧﯿﺎﻝ ﺭﮐﮭﻨﺎ ﮐﯽ ﮐﺴﯽ ﺍﻭﺭ ﮐﮯ ﮨﺎﺗﮫ ﻧﮧ ﻟﮓ ﺟﺎﺋﮯ ﺍﻭﺭ ﻣﺤﺒﺖ ﻧﺎﻣﮧ ﮐﺴﯽ ﭼﮭﻮﭨﮯ ﺳﮯ ﭘﺘﮭﺮ ﮐﮯ ﺳﺎﺗﮫ ﺑﺎﻧﺪﮪ ﮐﺮ ﮐﺴﯽ ﮐﯽ ﭼﮭﺖ ﭘﺮ ﯾﺎ ﺻﺤﻦ ﻣﯿﮟ ﭘﮭﯿﻨﮑﻨﺎ ﺟﺎﻥ ﺟﻮﮐﮭﻮﮞ ﮐﺎ ﮐﺎﻡ ﺗﮭﺎ۔ ﺟﺲ ﺩﻥ ﭘﺘﮭﺮ ﮐﯽ ﮈﺍﺋﺮﯾﮑﺸﻦ ﺗﺒﺪﯾﻞ ﮨﻮﺗﯽ، ﻭﮦ ﺩﻥ ﺑﮭﯽ ﺑﻮﭨﮯ ﮐﯽ ﻣﺤﺒﺖ ﮐﺎ ﺁﺧﺮﯼ ﺩﻥ ﮨﻮﺗﺎ۔ ﺳﺐ ﺳﮯ ﺑﮍﯼ ﺑﺪﻗﺴﻤﺘﯽ ﻭﮦ ﮨﻮﺗﯽ، ﺟﺐ ﮐﻮﺋﯽ ﭼﺎﺭ ﺳﺎﻝ ﮐﺎ ﺑﭽﮧ ﺧﻂ ﭼﮭﻨﻮ ﮐﯽ ﺑﺠﺎﺋﮯ ﺍﺱ ﮐﯽ ﺍﻣﺎﮞ ﮐﻮ ﺩﮮ ﺁﺗﺎ ﺍﻭﺭ ﺳﺎﺗﮫ ﯾﮧ ﺑﮭﯽ ﮐﮩﺘﺎ ﮐﮧ ’ ﭘﺎ ﺑﻮﭨﮯ ‘ ﻧﮯ ﺑﮭﯿﺠﺎ ﮨﮯ۔
ﺟﻮ ﺳﺐ ﺳﮯ ﺁﺧﺮی ﻭﺍﻗﻌﮧ ﻣﺠﮭﮯ ﯾﺎﺩ ﮨﮯ ﺟﺎﻣﻊ ﻣﺴﺠﺪ ﻣﻮﺗﯽ ﮐﺎ ﮨﮯ۔ ﻣﻮﻟﻮﯼ ﺻﺎﺣﺐ ﻧﮯ ﮐﮩﺎ ﮐﮧ ﺧﻮﺍﺗﯿﻦ ﺑﮭﯽ ﺗﺮﺍﻭﯾﺢ ﮐﮯ ﻟﯿﮯ ﺁ ﺳﮑﺘﯽ ﮨﯿﮟ ﻟﯿﮑﻦ ﺍﯾﮏ ﺩﻥ ﺗﺮﺍﻭﯾﺢ ﺳﮯ ﭘﮩﻠﮯ ﮐﺴﯽ ’ ﭼﮭﻨﻮ ‘ ﻧﮯ ﺍﻭﭘﺮ ﻭﺍﻟﯽ ﭼﮭﺖ ﺳﮯ ﻟﻮّ ﻟﯿﭩﺮ ﻧﯿﭽﮯ ﭘﮭﯿﻨﮏ ﺩﯾﺎ۔ ﻣﻄﻠﻮﺑﮧ ﻣﻮﻣﻦ ﺗﻮ ﺍﺳﮯ ﻧﮧ ﭘﮑﮍ ﺳﮑﺎ ﻟﯿﮑﻦ ﺟﺲ ﮐﮯ ﮨﺎﺗﮫ ﻣﯿﮟ ﺁﯾﺎ، ﺍﺱ ﻧﮯ ﻣﻮﻟﻮﯼ ﺻﺎﺣﺐ ﮐﻮ ﺩﮮ ﺩﯾﺎ ﺍﻭﺭ ﭘﮭﺮ ﻣﻮﻟﻮﯼ ﺻﺎﺣﺐ ﻧﮯ ﻧﺌﯽ ﻧﺴﻞ ﮐﻮ ﺍﯾﮏ ﻃﻮﯾﻞ ﻟﯿﮑﭽﺮ ﺳﻨﺎﯾﺎ۔
ﻟﯿﮑﻦ ﻣﯿﮟ ﻧﮯ ﮔﺎﻭٔﮞ ﻣﯿﮟ ﮐﺒﮭﯽ ﭼﮭﻨﻮ ﯾﺎ ﺑﻮﭨﮯ ﮐﯽ ﻣﺤﺒﺖ ﺷﺎﺩﯼ ﮐﯽ ﺻﻮﺭﺕ ﻣﯿﮟ ﺷﺎﺫﻭ ﻧﺎﺩﺭ ﮨﯽ ﮐﺎﻣﯿﺎﺏ ﮨﻮﺗﯽ ﺩﯾﮑﮭﯽ ﮨﮯ۔ ﻟﯿﮑﻦ ﺍﯾﮏ ﺑﺎﺕ ﺟﻮ ﻣﺠﮭﮯ ﺁﺝ ﺗﮏ ﺳﻤﺠﮫ ﻧﮩﯿﮟ ﺁﺋﯽ ﻭﮦ ﯾﮧ ﮐﮧ ﺟﺐ ﺑﮭﯽ ﮐﻮﺋﯽ ﭼﮭﻨﻮ، ﺑﻮﭨﮯ ﺳﮯ ﭼﮭﭗ ﭼﮭﭙﺎ ﮐﺮ ﯾﺎ ﺩﺑﮯ ﭘﺎﻭٔﮞ ﺳﮯ ﭼﮭﺘﯿﮟ ﭘﮭﻼﻧﮓ ﮐﺮ ﻣﻼﻗﺎﺕ ﮐﮯ ﻟﯿﮯ ﺁﺗﯽ ﺗﮭﯽ ﺗﻮ ﺑﺎﺗﯿﮟ ﮐﺮﺗﮯ ﮐﺮﺗﮯ ﮨﻮﺋﮯ ﺍﭘﻨﯽ ﮐﺎﻧﭻ ﮐﯽ ﭼﻮﮌﯾﺎﮞ ﭘﺘﮧ ﻧﮩﯿﮟ ﮐﯿﻮﮞ ﺗﻮﮌﺗﯽ ﺭﮨﺘﯽ ﺗﮭﯽ؟
ﮨﺎﮞ ﻟﯿﮑﻦ ﯾﮧ ﻣﺠﮭﮯ ﺿﺮﻭﺭ ﭘﺘﮧ ﮨﮯ ﮐﮧ ﮨﺮ ’ ﺳﭽﺎ ﻋﺎﺷﻖ ‘ ﭼﮭﻨﻮ ﮐﯽ ﺷﺎﺩﯼ ﻭﺍﻟﮯ ﺩﻥ ﺑﮭﺎﮒ ﺑﮭﺎﮒ ﮐﺮ ﺳﺎﺭﮮ ﮐﺎﻡ ﮐﯿﻮﮞ ﮐﺮﻭﺍ ﺭﮨﺎ ﮨﻮﺗﺎ ﺗﮭﺎ ﺍﻭﺭ ﮐﺮﺳﯿﺎﮞ ﻋﯿﻦ ﻻﺋﻦ ﻣﯿﮟ ﺟﻮﮌ ﺭﮨﺎ ﮨﻮﺗﺎ ﺗﮭﺎ ﻟﯿﮑﻦ ﯾﮧ ﺳﺐ ﻣﻮﺑﺎﺋﻞ ﺍﻭﺭ ﻓﯿﺲ ﺑﮏ ﺳﮯ ﭘﮩﻠﮯ ﮐﯽ ﺑﺎﺗﯿﮟ ﮨﯿﮟ۔
ﻣﺤﺒﺖ ﮐﮯ ﺳﺐ ﺳﮯ ﺯﯾﺎﺩﮦ ﻋﮩﺪ ﻭ ﭘﯿﻤﺎﮞ ﮐﺴﯽ ﭘﮭﻮﭘﮭﯽ ﯾﺎ ﺧﺎﻟﮧ ﮐﮯ ﺑﯿﭩﮯ ﮐﯽ ﺷﺎﺩﯼ ﭘﺮ ﮨﻮﺗﮯ ﺗﮭﮯ۔ ﻟﻮﮒ ﺗﯿﻦ ﺗﯿﻦ ﺩﻥ ﭘﮩﻠﮯ ﺑﻤﻌﮧ ﺍﮨﻞ ﻭ ﻋﯿﺎﻝ ﺷﺎﺩﯾﻮﮞ ﭘﺮ ﭘﮩﻨﭻ ﺟﺎﺗﮯ ﺗﮭﮯ، ﺍﭨﮭﺘﯽ ﻣﺤﺒﺘﯿﮟ ﺁﻧﮑﮭﻮﮞ ﮨﯽ ﺁﻧﮑﮭﻮﮞ ﻣﯿﮟ ﺍﭘﻨﺎ ﻣﺤﺒﻮﺏ ﺗﻼﺵ ﮐﺮﺗﯿﮟ ﺍﻭﺭ ﻣﺤﺒﺖ ﮐﺎ ﺍﻇﮩﺎﺭ ﻋﯿﻦ ﺍﺱ ﻭﻗﺖ ﮨﻮﺗﺎ، ﺟﺐ ﻭﺍﭘﺴﯽ ﮐﮯ ﻟﯿﮯ ﮐﭙﮍﻭﮞ ﮐﮯ ﺑﯿﮓ ﺑﻨﺪ ﭼﮑﮯ ﮨﻮﺗﮯ۔ ﭨﯿﻠﯽ ﻓﻮﻥ ﺑﮭﯽ ﻧﮧ ﮨﻮﻧﮯ ﮐﮯ ﺑﺮﺍﺑﺮ ﺗﮭﮯ۔ ﺩﻭﺑﺎﺭﮦ ﻣﻠﻨﮯ ﮐﺎ ﻭﺍﺣﺪ ﻣﻮﻗﻊ ﮐﺴﯽ ﺩﻭﺳﺮﮮ ﮐﺰﻥ ﮐﯽ ﺷﺎﺩﯼ ﮨﯽ ﮨﻮﺗﯽ ﺗﮭﯽ۔ ﻟﯿﮑﻦ ﺩﻭﺳﺮﮮ ﮐﺰﻥ ﮐﯽ ﺷﺎﺩﯼ ﮐﺎ ﻣﺰﺍ ﺍﺱ ﻭﻗﺖ ﭘﮭﯿﮑﺎ ﭘﮍ ﺟﺎﺗﺎ، ﺟﺐ ﯾﮧ ﭘﺘﺎ ﭼﻠﺘﺎ ﮐﮧ ’ ﭼﮭﻤﻮ ‘ ﮐﮯ ﮔﮭﺮ ﻭﺍﻟﮯ ﺩﻭﺭ ﺩﺭﺍﺯ ﮐﮯ ﺭﺷﺘﮯ ﺩﺍﺭ ﮨﯿﮟ، ﺍﻥ ﮐﻮ ﺗﻮ ﮐﺴﯽ ﻧﮯ ﺑﻼﯾﺎ ﮨﯽ ﻧﮩﯿﮟ۔ ﺑﺎﻗﯽ ﺳﺒﮭﯽ ﺷﺎﺩﯼ ﭘﺮ ﮈﺍﻧﺲ ﮐﺮﺗﮯ، ﻣﺎﮨﯿﮯ ﺍﻭﺭ ﭨﭙﮯ ﮔﺎﺗﮯ ﻟﯿﮑﻦ ’ ﺑﻮﭨﮯ ‘ ﮐﯽ ﺍﯾﮏ ﮨﯽ

 رٹ ہوتی میرے پیٹ میں درد ہے۔۔۔۔۔

تبصرہ کریں

Loading Facebook Comments ...

تبصرہ کریں