اﺱ ﻧﮯ ﻓﯿﺲ ﺑﮏ ﮐﯿﻮﮞ ﭼﮭﻮﮌﺍ؟

ﻓﯿﺲ ﺑﮏ ﭘﺮﻭﮦ ﺍﭘﻨﯽ ﺁﺋﯽ ﮈﯼ ’ ﻋﺰﯾﺰﻡ ﺑﺎﻏﯽ ‘ ﺳﮯ ﻣﺸﮩﻮﺭ ﺗﮭﺎ۔ﺍﺳﮑﯽ ﭘﺮﻭﻓﺎﺋﻞ ﭘﮑﭽﺮ ﮐﻮ ﭼﮫ ﮨﺰﺍﺭ Like ﺍﻭﺭ ﺁﭨﮫ ﺳﻮ ﮐﻤﻨﭧ ﻣﻼ ﮐﺮﺗﮯ ۔ ﺍﺳﮑﮯ ﺳﻤﺎﺝ ﺳﺪﮬﺎﺭ Status ﭘﺮ ﺑﺎﺭﮦ ﮨﺰﺍﺭ Like ﺍﻭﺭ ﻗﺮﯾﺒﺎً ﭼﺎﺭ ﮨﺰﺍﺭ ﮐﻤﻨﭧ ﻋﺎﻡ ﺳﯽ ﺑﺎﺕ ﺗﮭﯽ۔ﺍﮔﺮ ﻭﮦ ﮐﺴﯽ ﻭﺍﻗﻌﮧ ﭘﺮ ﺍﭘﻨﺎ ﮐﻮﺋﯽ ﭘﯿﻐﺎﻡ Wall ﭘﺮ ﻟﮕﺎﺩﯾﺘﺎ ﺗﻮ ﺳﯿﻨﮑﮍﻭﮞ ﻟﻮﮒ ﮐﻤﻨﭧ ﺍﻭﺭ Like ﮐﯿﺴﺎﺗﮫ Share ﮐﺮﻧﺎ ﮨﺮﮔﺰ ﻧﮧ ﺑﮭﻮﻟﺘﮯ ۔ﻓﯿﺲ ﺑﮏ ﭘﺮﺍﺳﮑﮯ ﭼﺎﮨﻨﮯ ﻭﺍﻟﮯ ﺍﺳﮯ ’ ﻋﺰﯾﺰﻡ ‘ ﮐﮩﮧ ﮐﺮ ﺑﻼﺗﮯ ﺗﮭﮯ ﻭﮦ ﺟﻮﻧﮩﯽ ﺁﻥ ﻻﺋﻦ ﺁﺗﺎ ﻣﺴﯿﺞ ﭨﯿﻮﻥ ﺑﺞ ﺑﺞ ﮐﺮ ﺑﺎﻭﻟﯽ ﮨﻮ ﺟﺎﺗﯽ ۔ﺍﺗﻨﺎ Famous ﮨﻮﻧﮯکے ﻟﯿﺌﮯ ﺍﺱ ﻧﮯ ﺩﻥ ﺭﺍﺕ ﺍﯾﮏ ﮐﺮ ﺩﯾﺌﮯ ﺗﮭﮯ ﺍﭘﻨﯽ ﺯﻧﺪﮔﯽ ﮐﮯ ﭘﺎﻧﭻ ﺳﺎﻝ ﻓﯿﺲ ﺑﮏ ﮐﻮ ﺩﮮ ﮐﺮ ﻭﮦ ﺍﺱ ﻣﻘﺎﻡ ﭘﺮ ﭘﮩﻨﭽﺎ ﺗﮭﺎ ﮐﮧ ﺍﺏ ﺍﺳﮑﮯ ﭘﺎﻧﭻ ﮨﺰﺍﺭ ’ ﻓﺮﯾﻨﮉﺯ ‘ ﺍﻭﺭ ﺩﺱ ﮨﺰﺍﺭ ’ ﻓﺎﻟﻮﺭﺯ ‘ ﺍﺱ ﺳﮯ ﻭﺍﻟﮩﺎﻧﮧ ﻣﺤﺒﺖ ﮐﺎ ﺍﻇﮩﺎﺭ ﮐﺮﺗﮯ ﻧﮩﯿﮟ ﺗﮭﮑﺘﮯ ﺗﮭﮯ۔
ﻧﺌﯽ ﻧﺌﯽ ﻧﻮﮐﺮﯼ ﻟﮕﯽ ﺗﺐ ﺑﮭﯽ ﺩﮬﯿﺎﻥ ﺩﻓﺘﺮ ﻣﯿﮟ ﮐﻢ ﺍﻭﺭ ﻓﯿﺲ ﺑﮏ ﮔﺮﻭﭘﺲ ﻣﯿﮟ ﺯﯾﺎﺩﮦ ﺭﮨﺘﺎ ۔ﺩﻓﺘﺮﮐﮯ ﺑﻌﺪ ﺷﺎﺫ ﻭ ﻧﺎﺩﺭ ﮨﯽ ﮔﮭﺮ ﺳﮯ ﺑﺎﮨﺮ ﻗﺪﻡ ﻧﮑﺎﻟﺘﺎ۔
ﺍﯾﮏ ﺩﻥ ﺑﺎﺩﻝِ ﻧﺨﻮﺍﺳﺘﮧ ﺟﺐ ﻭﮦ ﺳﺮﺩﯼ ﻣﯿﮟ ﺧﻮﺑﺼﻮﺭﺕ ﻣﻔﻠﺮ ﻟﭙﯿﭩﮯ ﻣﻮﭨﺮ ﺳﺎﺋﯿﮑﻞ ﭘﺮ ﻣﺎﺭﮐﯿﭧ ﺟﺎ ﺭﮨﺎ ﺗﮭﺎﺗﻮ ﺍﺳﮯ ﻟﮕﺎ ﺟﯿﺴﮯ ﺍﺳﮑﯽ ﺟﺎﻧﺐ ﺩﯾﮑﮭﻨﮯ ﻭﺍﻟﯽ ﺗﻤﺎﻡ ﺁﻧﮑﮭﯿﮟ ﺍﺳﮯ ﭘﮩﭽﺎﻧﻨﮯ ﮐﯽ ﮐﻮﺷﺶ ﻣﯿﮟ ﮨﯿﮟ ﻭﮦ ﻣﻦ ﮨﯽ ﻣﻦ ﻣﯿﮟ ﻣﺴﮑﺮﺍﺗﺎ ،ﺍِﺗﺮﺍﺗﺎ،ﻧﺎﮎ ﮐﯽ ﺳﯿﺪﮪ ﻣﯿﮟ ﭼﻼ ﺟﺎ ﺭﮨﺎ ﺗﮭﺎ ﮐﮧ ﺍﭼﺎﻧﮏ ﺳﮍﮎ ﮐﮯ ﻣﻮﮌﭘﺮ ﺍﺳﮑﺎ ﺗﺼﺎﺩﻡ ﺍﯾﮏ ﭘﻮﻟﯿﺲ ﮔﺎﮌﯼ ﺳﮯ ﮨﻮﺍ ﮨﯽ ﭼﺎﮨﺘﺎ ﺗﮭﺎ ﮐﮧ ﮈﺭﺍﺋﯿﻮﺭ ﻧﮯ ﺑﺮﯾﮏ ﻟﮕﺎ ﺩﯼ

 ﺍﺑﮯ ﺍﻧﺪﮬﮯ۔۔ ﺩﮐﮭﺘﺎ ﻧﮩﯿﮟ ﮨﮯ ﮐﯿﺎ؟
ﻭﮦ ﭼﻨﺪ ﻟﻤﺤﮯ ﺍﻧﺴﭙﮑﭩﺮ ﮐﯽ ﺁﻧﮑﮭﻮﮞ ﻣﯿﮟ ﺟﮭﺎﻧﮏ ﮐﺮ ﺍﭘﻨﯽ ﺷﻨﺎﺧﺖ ﮐﺎ ﺭﻧﮓ ﺗﻼﺷﺘﺎ ﺭﮨﺎ ﺟﯿﺴﮯ ﺍﺑﮭﯽ ﻭﮦ ﺍﺳﮯ ﭘﮩﭽﺎﻧﺘﮯ ﮨﯽ ﮔﺎﮌﯼ ﺳﮯ ﺍﺗﺮ ﮮ ﮔﺎ ﺍﻭﺭ ﮨﻨﺴﺘﮯ ﮨﻮﺋﮯ ’ ﺍﻭﮦ ﯾﮧ ﺗﻮ ﺁﭖ ﮨﯿﮟ۔۔ ‘ ﮐﮩﺘﺎ ﮨﻮﺍ ﻣﺼﺎﻓﺤﮧ ﮐﺮﻧﮯ ﮐﯿﺴﺎﺗﮫ Selfie ﮐﯽ ﺩﺭﺧﻮﺍﺳﺖ ﮐﺮﯾﮕﺎ۔
’ ﮐﻮﻥ ﮨﮯ ﺑﮭﺌﯽ ﺗُﻮ؟ ﺟﻮ ﺍﯾﺴﮯ ﺑﺪﻣﻌﺎﺷﻮﮞ ﮐﯽ ﻃﺮﺡ ﺩﯾﮑﮭﮯ ﺟﺎ ﺭﮨﺎ ﮨﮯ؟ ‘ ﭘﻮﻟﯿﺲ ﻭﺍﻟﮯ ﮐﯽ ﮐﺮﺧﺖ ﺁﻭﺍﺯ ﺳﮯ ﺍﺳﮑﯽ ﺧﻮﺵ ﮔﻤﺎﻧﯿﻮﮞ ﮐﺎ ﻣﺤﻞ ﭼﮑﻨﺎ ﭼُﻮﺭ ﮨﻮﮐﺮ ﺭﮦ ﮔﯿﺎ

 ﺟﯽ ﻣﯿﮟ ۔۔  ﺍﺑﮭﯽ ﻭﮦ ﮐﭽﮫ ﮐﮩﻨﺎ ﮨﯽ ﭼﺎﮨﺘﺎ ﺗﮭﺎ ﮐﮧ ﻟﻮﮒ ﯾﻮﮞ ﺍﺭﺩ ﮔﺮﺩ ﺟﻤﻊ ﮨﻮﮔﺌﮯ ﺟﯿﺴﮯ ﺑﻨﺪﺭ ﮐﺎ ﺗﻤﺎﺷﺎ ﺷﺮﻭﻉ ﮨﻮﻧﮯ ﻭﺍﻻ ﮨﻮ۔ ﻭﮦ ﭼﭗ ﭼﺎﭖ ﻟﻮﮔﻮﮞ ﮐﮯ ﭼﮩﺮﻭﮞ ﭘﺮ ﻧﮕﺎﮦ ﺩﻭﮌﺍﺗﺎ ﺭﮨﺎ ﻟﯿﮑﻦ ﺳﺐ ﮐﯽ ﺁﻧﮑﮭﻮﮞ ﻧﮯ ﺍﺳﮯ ﭘﮩﭽﺎﻧﻨﮯ ﺳﮯ ﺍﻧﮑﺎﺭ ﮐﺮﺩﯾﺎ۔ ﺍﺳﯽ ﺍﺛﻨﺎﺀ ﻣﯿﮟ ﺍﯾﮏ ﺭﺍﮨﮕﯿﺮ ﻧﮯ ﺍﺳﮯ ﭘﮩﭽﺎﻥ ﻟﯿﺎ ’ ﺟﺎﻧﮯ ﺩﻭ ﺑﺎﺩﺷﺎﮨﻮ، ﻣﯿﮟ ﺍﺳﮯ ﺟﺎﻧﺘﺎ ﮨﻮﮞ
ﭘﻮﻟﯿﺲ ﻭﺍﻟﮯ ﻧﮯ ﺭﺍﮨﮕﯿﺮ ﮐﯽ ﺟﺎﻧﺐ ﺩﯾﮑﮭﺎ ’ ﺍﺳﮑﺎ ﺩﻣﺎﻏﯽ ﺗﻮﺍﺯﻥ ﭨﮭﯿﮏ ﺗﻮ ﮨﮯ ﻧﺎ ؟ ﯾﮧ ﺧﺒﻄﯽ ﺑﻮﻟﺘﺎ ﮐﯿﻮﮞ ﻧﮩﯿﮟ ﮨﮯ ۔ﻣﺠﻤﻊ ﻣﯿﮟ ﻗﮩﻘﮩﮯ ﭘﮭﻮﭦ ﭘﮍﮮ۔ﺭﺍﮨﮕﯿﺮ ﺑﮭﯽ ﻣﺴﮑﺮﺍ ﺩﯾﺎ

’ ﯾﮧ ﺗﻮ ﻧﮩﯿﮟ ﭘﺘﮧ ﺟﯽ ۔ﻣﮕﺮ ﺍﺗﻨﺎ ﺟﺎﻧﺘﺎ ﮨﻮﮞ ﮐﮧ ﯾﮧ ﺟﺒﺎﺭ ﺩﮐﺎﻧﺪﺍﺭ ﮐﺎ ﺑﮭﺘﯿﺠﺎ ﺍﻭﺭ ﻏﻔﺎﺭ ﮐﺎﺭﺧﺎﻧﮯ ﻭﺍﻟﮯ ﮐﺎ ﺑﯿﭩﺎ ﮨﮯ۔۔ﮐﯿﻮﮞ ﺑﮭﺎﺋﯽ ﻣﯿﮟ ﭨﮭﯿﮏ ﮐﮩﮧ ﺭﮨﺎ ﮨﻮﮞ؟ ‘
ﺍﺱ ﻧﮯ ﭼﻮﻧﮏ ﮐﺮ ﺭﺍﮨﮕﯿﺮ ﮐﯽ ﺟﺎﻧﺐ ﺩﯾﮑﮭﺎ ﺍﻭﺭ ﺁﻧﮑﮭﻮﮞ ﻣﯿﮟ ﻧﻤﯽ ﺍﺗﺮﻧﮯ ﺳﮯ ﭘﮩﻠﮯ ﻭﮨﺎﮞ ﺳﮯ ﺑﮭﺎﮒ ﮐﮭﮍﺍ ﮨﻮﺍ.

تبصرہ کریں

Loading Facebook Comments ...

تبصرہ کریں