باہو بلی 2 کا پہلا ٹریلر ریلیز

بھارت کی مہنگی ترین فلموں میں سے ایک باہو بلی کے دوسرے حصے کا پہلا ٹریلر ریلیز کردیا گیا ہے جس کو چند گھنٹوں کے دوران ہی 75 لاکھ سے زائد افراد افراد دیکھ چکے ہیں۔

اس فلم کا پہلا حصہ 2015 میں ریلیز ہوا تھا جس کے بعد سے ہی لوگ دوسرے حصے کے منتظر تھے۔

باہو بلی : دی کنکلوزن میں ایک بار پھر جنوبی بھارت کے سپراسٹار پربھاز مرکزی کردار ادا کریں گے جبکہ رانا درگا بتی ولن کے روپ میں نظر آئیں گے۔

ڈائریکٹر ایس ایس راجا میولی کی اس فلم کا آغاز پہلے حصے کے اختتامی حصے سے ہوگا۔

ڈھائی ارب انڈین روپے سے بننے والی ان دونوں فلموں کے لیے فلم کے مرکزی اداکاروں کو مارشل آرٹ، گھڑ سواری اور شمشیر زنی کی تربیت غیر ملکی ماہرین سے دلائی گئی تھی۔

ہزاروں افراد کو جنگی مناظر کا حصہ بنایا گیا جس میں مرکزی خیال وہی پرانا ہے یعنی روایتی فرشتہ بمقابلہ شیطان۔

ناظرین کے لیے بنجر زمینوں کے ساتھ عظیم الجثہ آبشاروں، برساتی باغات جادوئی انداز میں برف سے ڈھکی پہاڑیوں میں ابھرتے دیکھ کر ہضم کرنا مشکل ہوگا مگر راجا مولیی کی وی ایف ایکس تیکنیک نے ایک افسانوی دنیا کو تخلیق کیا ہے جہاں اس دو حصوں پر مشتمل عظیم الشان فینٹسی کی پرتیں کھولی گئی ہیں۔

اس مقصد کے لیے جنوبی ہندوستان کے شہر حیدرآباد میں واقعی فلم اسٹوڈیو میں بیس ایکڑ سے زائد رقبے پر پھیلے سیٹ کو لگایا گیا تھا۔

ٹریلر ریلیز ہونے کے موقع پر ڈائریکٹر نے اعلان کیا کہ یہ فلم صرف دو حصوں تک محدود نہیں رہے گی بلکہ اسے فرنچائز کی شکل دی جارہی ہے۔

باہو بلی کا دوسرا حصہ 28 اپریل کو ریلیز کیا جارہا ہے۔

تبصرہ کریں

Loading Facebook Comments ...

تبصرہ کریں